官方資料，請注意！

考船牌在海事處進行 (筆試合格便可取牌，無實習試)

考試內容：

甲部份(船長：航駛，船藝，及安全)
海圖認識，航標類別，燈號，響號，旗號，國際海上避碰規則，海港規例，船藝，國際通用遇難求救訊號等。

乙部份(大偈：輪機知識) 
四衝程／二衝程發動機結構及運作原理，供油、引燃，冷卻、潤滑、 傳動、電力系統，螺旋槳等。

以上二部份考試費為 $1,255

以上任何一部份考試費為 $660


遊樂船隻操作人合格證明書考試規則(PDF) 

http://www.mardep.gov.hk/hk/pub_services/pdf/examrules_ploc_c.pdf

 根據香港海事處法例嚴格規定，駕駛長度15米或以下之遊樂船隻，包括水上電單車必須持有香港海事處簽發之二級遊樂船操作人証明書，違者將受檢控。

遊樂船隻二級操作人証明書考試形式

甲部:船主 時限45分鐘內作答40題，合格70%即需答對28題或以上

乙部:大偈 時限45分鐘內作答40題，合格70%即需答對28題或以上

想靠出海搵食，有冇計？海員證書vs二級遊艇牌

想靠出海搵食，有冇計？海員證書vs二級遊艇牌

以前D男人，好多人靠行船養活全家人，宜家重有冇呢支歌仔唱呢？？

宜家較難啦！ 如果你真係對海事好有興趣，可以去VTC或海事訓練學院查詢。

佢地有個最基本嘅‘初級全能海員證書’，修讀期：二十三週， 全日制。

入學條件： 中三或以上程度和年齡屆乎十六歲半至三十三歲半之間。申請人須通過面試及一項簡單的視力和色盲測試。（換言之，中年尋夢的，別想了～）

前景： 學院的就業輔導主任將會為學員安排註冊和面試。目前，大部份的畢業生都在本地拖輪、燃油駁船，港內渡輪、或在行走香港至澳門或內地之間的高速客輪上服務；其餘的主要是在海事相關行業內工作。

如果你宜家已有份正職，又唔想由頭黎過，算啦，考番個二級遊艇牌 / 二級遊樂船操作人牌，再睇睇情況就實際D!

兄弟，小心開船！唔好亂黎！

兄弟，小心開船！唔識就要學，唔好亂黎！

日本高速船疑撞鯨

日本九州一艘高速船周二中午，在長崎縣對馬市對出水域，疑跟一條鯨魚相撞，船上一名台灣男子頭部受輕傷。

該艘163噸高速船由福岡縣博多港開出，駛至對馬市嚴原港東南約35公里時，船頭部分撞到疑似鯨魚的海洋生物，船尾海水染紅，相信是鯨魚被撞傷流血。船上當時有70名乘客和船員，一名45歲台灣男子頭部受輕傷。

據稱，事發時高速船以時速70公里航行。日本海岸防衛隊正調查事件。

http://hk.apple.nextmedia.com/re ... l/20140319/52298322

二級遊艇牌/遊樂船隻二級操作人考牌須知！！

如你想考二級遊艇牌 / 遊樂船隻二級操作人合格證明書，
有D野你係不可不知嘅...

第一，你夠18歲未？第二，你係米視力正常？

呢兩樣野係海事處報名時，佢地會Check。如果你有近視，就好似考車牌一樣，Pass後，個牌會寫明你須帶眼鏡駕船。如果你有色瞎，亦可以考試，但Pass後，只可在日間駕船，而且，考試考少一Part: 唔洗考夜間燈號。

有朋友問：甲部，乙部考試可唔可以分開兩次黎考架?

定係一定要一次過考晒兩PARTS?

官方資料顯示：

首次應考的考生須同時參加甲部及乙部的考試。考生在首次應考時如只通過其中一部 (即甲部或乙部)， 則獲准在首次應考日期後兩年內參加餘下一部的考試。

 所以正常黎講，係要一次過考晒兩PARTS，甲部通常難Pass過乙部，因為甲部變化多D，需要變通下，唔能夠死背@！

萬一到時失手，Fail左，唔洗灰心，考完試之後，馬上知結果，亦可馬上排期再考，到時不少人陪你，不用怕醜！！

如果你三心兩意，即日唔報補考，過後就要再填表 apply 過，合格嘅成績 2 年有效，所以如果Pass左一科（部），就要 2 年內 pass 埋另一科（部）！

老實講，就算你報讀過D備試課程，通常考甲部都唔係一次Pass，如果自修，死亡機率就更高 ！邊度讀好，好難講，可以參考小弟另一片篇文章。

二級遊艇牌 / 遊樂船二級操作人合格證明書備試課程，邊度讀好D??

有朋友關心，如果想考到二級遊艇牌 / 遊樂船二級操作人合格證明書，可唔可以單靠自己讀？如果想報讀有關嘅備試課程，邊間好？

坦白講，單靠自己讀，比較困難，就算你有出海經驗，因考試同實際你遇到嘅情況係有出入，加上市面上好難搵到模擬試題作練習，就算被你搵到，你都好可能唔太理解，因果D試題有特定的邏輯（你可以話唔太合理，但你無人教，真係好難明白果套遊戲規矩！！）

錢！都系要被人賺下！！！

以下係市面上較出名的課程：

工聯X

較平，但我讀完，覺得個阿Sir堂堂吹水，求求其，你當聽笑話就OK! 讀完通常都係好虚...

海C家

呢間野都幾耐ga la，阿Sir教書MaMa地，而且好惡，話就話做題目時可以詢問，但問野要看人面色（有時阿Sir D 面色會變黑！），學費唔便，受下氣咁啦！！

Course88.com

呢間課程唔貴，阿Sir 教書幾清楚，無廢話，模擬試題算Update，OK la! 但課堂時間較短，上課地點亦唔太方便，筆記唔多。

BoatpXXple：幾個阿叔搞嘅，教得嘛嘛地啦。不過，佢地D試題OK, 有D幫助，但要靠自己上佢地Centre自行努力做題目，基本上唔多機會見到阿Sir，遇到唔明，較難問。

王子：阿Sir 經驗不錯，但D試題 Out Out 地，考試要靠下彩數！

另有考試須知，請留意...

二級遊艇牌 / 二級遊樂船牌 / 遊樂船隻二級操作人

有人問我 ‘二級遊艇牌 / 二級遊樂船牌' 難唔難考？

我首先我解釋下...

二級遊艇牌 / 遊樂船牌，正名係遊樂船隻二級操作人，有兩張Paper要考

甲部： 內容 - 航駛，船藝及安全 (即舊有船主)
乙部： 內容 - 輪機知識 (即舊有大偈)

·

可以一日考曬，或分開兩日考，總之正常黎講，要Pass左呢兩張paper先有資格開船。考呢個牌嘅好處：考完不用續牌，直到65歲，而且可以開無限制馬力嘅船，好勁！

難唔難考？

輪機知識(乙部)係比較難明白，它是涉及Engineering理論，輪機嘅原理...

但比起甲部（船主）嘅Paper, 通常考生較容易Pass，因為乙部問題比較死板，你勤力，基本上唔難Pass. 

而甲部（船主）嘅內容大致係海上通例，駕船規則等，不難理解，但考試問題變化多端，較難捉摸，亦較難Pass!!

如想容易D考到 ，宜報讀一些遊艇牌備試課程，通常果D課程提供模擬試題作練習，考起試來便較有信心？

邊間學校 / 課程好？下次再講，敬請留意！